Осиёдаги энг баланд осмонўпар биноларидан бири бўлган Шанхайдаги Цзинь Мао биноси 28 июль, пайшанба куни ўз ташрифчилари учун тўсиқларсиз кузатув майдончасини очди. Бу ҳақда TJournal хабар бермоқда.
Цзинь Мао биносининг баландлиги 421 метрни ташкил этади. Бинонинг энг баланд қавати эса 366 метр баландликда жойлашган. Кузатув майдончаси эса бироз пастроқда – 340 метр баландликда очилди.
Ушбу майдончанинг бошқалардан фарқи тўсиқларнинг йўқлигида. Хоҳловчилар шишали платформанинг энг четига келиб, осилиб туриш имкониятига ҳам эга. Хавфсизлик нуқтаи назаридан барча ташрифчилар хавфсизлик тросини тақади.
Кузатув майдончасига бир вақтнинг ўзида 15 кишидан ошмаган гуруҳ киритилади. Майдончага чиқиш учун чипта 58 доллар туради.
Изоҳ (0)