Португалиялик ҳужумчи Криштиану Роналдунинг ўғли “Барселона” вингери Ламин Ямални отаси билан таққослаб кўрди. Бу ҳақда Barca Universal нашри хабар бермоқда.
Ижтимоий тармоқ фойдаланувчиларидан бири берган саволга у қуйидагича жавоб берди:
Ламин ҳозирда Криштианудан кучлими? Ҳа, Ямал яхши футболчи. Лекин у ҳали отам каби совринлар ютмаган, — дейди Роналду ўғли.
Маълумотларга кўра, Роналдунинг ўғли айни вақтда Саудия Арабистонининг “Ан-Насср” клуби ёшлар академиясида ҳаракат қилмоқда. Қизиғи шундаки, яқинда 18 ёшга тўлган Ямал ундан атиги 3 ёш катта.
Эслатиб ўтамиз, Криштиану Роналду июнь ойи охирида “Ан-Насср” билан 2027 йил ёзигача мўлжалланган янги шартномага имзо чеккан эди.
Ламин Ямал эса ўтган мавсум “Барселона” сафида Ла Лига, Испания Кубоги ва Суперкубогини ютди. Шунингдек, у Испания ёшлар терма жамоаси билан Европа чемпионлигини ҳам қўлга киритган.
Изоҳ (0)