Хитой ҳукумати Хитой билан алоқаларни ривожлантириш билан шуғулланувчи Япония делегацияси аъзосини разведка фаолияти олиб боргани учун ҳибсга олди, деб ёзади «ТАСС» Хитойнинг обрўли Global Times нашрига таяниб.
«Нашрга япониялик манба маълум қилишича, бу одам Япония-Хитой дўстлик уюшмасига алоқадор бўлиши мумкин», — дея қайд этди газета. Аммо уюшманинг ўзи ушбу шахсга ҳеч қандай алоқаси йўқлигини маълум қилди.
28 июль куни Япониянинг Kyodo агентлиги ушбу фуқаро Пекинда 11 дан 15 июлгача бўлгани ва белгиланган санада Японияга қайтиб кетмаганини маълум қилган эди. У билан ҳалигача алоқа ўрнатилмаган. Япония ташқи ишлар вазирлиги Хитой томонидан мамлакат дипломатларини ҳибсга олинган шахс билан учраштиришни талаб қилмоқда.
Изоҳ (0)