Интернет асрида кўпчилик фарзандларининг суратларини ижтимоий тармоқларга жойлаштириб, улар қанчалик ёқимтой ва зукко эканлигини кўз-кўз қилгиси келади. Бироқ ҳозирда болалар учун энг хавфли инсонлар айнан интернетга ин қургани ҳақида камдан-кам киши мулоҳаза юритади. AdMe бироз ортиқчадек туюлса ҳам, фарзандларингиз хавф-хатардан йироқ бўлишига имкон берадиган чоралар рўйхатини тайёрлади.
Суратларга манзилларни қўйманг
Болангиз кўп бўладиган жойлар — мактаб, спорт зали ёки тўгараклар ҳақидаги маълумотларни жойламанг. Бундан ғаразли мақсадлари йўлида фойдаланишлари ва таъқиб этишлари мумкин.
Қизиқишини ошкор этувчи фотоларни жойламанг
Унинг нимага қизиқиши ҳақида билиб, алдаш ва тузоққа тушириш осон бўлади.
Бола ҳақидаги расмий маълумотлар бўлган барча тасвирларни олиб ташланг
Интернетда яқинда олинган виза, паспорт ёки бошқа ҳужжатлар билан мақтанадиган кишилар бор. Тўлиқ исми-шарифи ёки ҳужжат рақамини билиб, бола қаерда ўқиётгани ёки яшаётганини аниқлашдан осони йўқ.
Болаларнинг машина ёнидаги фотоларини жойлаштирманг
Бу эслатма биринчи галда ота-оналар учун муҳим. Жиноятчиларга тайёр маълумот тақдим этишдан ташқари, ўзингизни ҳам мушкул вазиятга солиб қўйишингиз мумкин. Масалан, ушбу суратдан сўнг ота-оналар панжара ортига равона бўлди.
Ярим-ёрти кийимлардаги суратларни қўйманг
Балки сиз ва яқинларингизга улар қизиқ туюлар, лекин айрим носоғлом одамлар уларга бошқача назар билан боқиши мумкин.
Келажакда фарзандингизни хижолат чекишга мажбур этадиган фотолар билан бўлишманг
Болалигимизда интернет бўлмаган ва бундай суратларни фақат яқин кишилар кўрарди. Ҳозирда эса фарзандларимиз ҳимояланмаган ва исталган расм келгусида уларни обрўсизлантириши ёки бир умрли иснодга айланиши мумкин.
Фарзандингизнинг бошқа болалар билан бирга тушган суратларини чоп этишдан қочинг
Болангизнинг дўстлари ёки синфдошлари билан тушган суратларини жойлаштиришдан аввал уларнинг ота-онаси бунга қаршилик қилмаслиги ҳақида ўйлаб кўринг.
Фарзандингиз фотосини ижтимоий тармоққа жойлаштиргач (ҳатто буни фақат дўстларингиз билан баҳам кўрсангиз ҳам), ўша дақиқадан бошлаб энди у сизга эмас, жамоатчиликка тегишли эканлиги ва ҳар қандай киши исталган мақсадда фойдаланиши мумкинлигини ёддан чиқарманг.
Изоҳ (0)