Google Play дастурлар дўконида 155 та дастур таркибида бўлган троянни аниқлашди, деб ёзади «Hi-tech.mail.ru». «Доктор Веб» ҳисоб-китобларига кўра, вирусни 2 миллиондан зиёд фойдаланувчилар юклаб олган.
Троян Android.Spy.305.origin деб ном олди. Ушбу вирусга эга дастурлар қурилманинг нормал тарзда ишлашига халал бериб, ҳадеб рекламаларни акс эттираверади. Шунингдек, зарарли дастурлар ёвуз ниятлиларнинг серверига фойдаланувчиларнинг шахсий маълумотлари, хусусан, электрон почта манзилини юборади.
«Доктор Веб» таъкидлашича, троян «жонли» обойлар, тасвир таҳрирлагичлари, интернет-радио клиентлари ва бошқа дастурларда мавжуд бўлади.
Google компаниясини ушбу вирус ҳақида хабардор қилишди, аммо баъзи зарарли дастурлар Google Play’да ҳамон юклаш учун очиқ бўлиб турибди. Зарарланган дастурларнинг тўлиқ рўйхати билан тадқиқот саҳифасида танишишингиз мумкин.
Изоҳ (0)