Reddit ресурсининг _problemz ники остидаги фойдаланувчиси Pokemon Go ўйинини тўлиқ ўтиб бўлгани — якуний 40-босқичга етганини маълум қилди, деб ёзади «Hi-tech.mail.ru». Шундан сўнг у ишлаб чиқувчиларга мурожаат қилиб, унинг аккаунтини ўчиришни сўради.
Далил сифатида германиялик йигит ўзи етиб келган босқич кўрсатилган скриншотни намойиш қилди. Бундан ташқари, смартфон экранида ўйин 40-босқичга етиб келганлик учун берадиган бонуслар миқдори ҳам акс этган. Шунингдек, ўйинчи тўпланган ўйин бойликлари ва покемонлар коллекциясини кўрсатди.
Фойдаланувчи тез ўтиш учун ўйин ичида харидларни амалга оширганини тан олди. 131 та тухумни «босиб, жўжа очдириш» учун ва бошқа ўйин бойликларига у жами 40 доллар сарфлади.
Йигит бот ёзди, ушбу махсус скрипт унга уйдан чиқмасдан туриб покемонларни овлаш имконини берди. Смартфон автоматик режимда ишлади, ўйин бойликлари эса ҳодисани тезлаштириш учунгина ишлатилди. Якунда ўйинчи соатига 280 мингтагача хитпоинт ишлаб топди.
Фойдаланувчи фикрича, ҳалол бўлмаган йўл билан овланган покемонларни жангларда қўллаш нотўғри. Айнан шу сабабли у Ninatic Labs’га хат ёзиб, скрипт у учун тажриба бўлгани ва у ўз мақсадига эришгани, демак, аккаунтни ўчириш кераклигини маълум қилди.
Изоҳ (0)