Агар Pokemon Go ҳақида ҳали ҳам эшитмаган бўлсангиз, сўнгги бир ойни қайсидир бункерда интернетсиз ўтказган бўлсангиз керак. 6 июль куни чиққан бу ўйин шу қадар машҳур бўлиб кетдики, аввалига Nintendo акциялари нархининг рекорд даражада ўсишига, сўнг пасайишига сабаб бўлди.
Pokemon Go сабаб миллионлаб одамлар кўчага чиқди, бу ҳолат кичик бизнесни жуда қувонтирмоқда, бироқ, дейлик, россиялик қонун ижодкорларини хавотирга солмоқда. «Meduza» нашри эса Pokemon Go билан боғлиқ қизиқарли рақамларни тўплаб чиқди.
20 000 000 000 доллар
Ўйин чиққанидан сўнг, Nintendo’нинг бозор нархи шунчага қимматлашди. Энди компания 40 миллиард долларга баҳоланмоқда.33 дақиқа
Pokemon Go’нинг америкалик ҳар бир фойдаланувчиси ўйинга ўртача шунча вақт сарфламоқда. Бу Facebook, Twitter ёки Snapchat’нинг кўрсаткичларидан сезиларли кўп.3 000 000 000 доллар
Pokemon Go сабаб Apple компанияси худди шунча пул ишлаб топяпти.1 600 000 доллар
Pokemon Go ишлаб чиқувчилари АҚШдаги фойдаланувчилар ҳисобидан ҳар куни шунча пул ишлаб топмоқда.210 евро
Ҳайдовчилик гувоҳномасисиз мопедда покемонларни овлагани учун икки италияликка худди шунча жарима солинди.1500 доллар
Ўйин иштирокчиларидан бири ўз аккаунтини шунча пулга баҳолади. Бошқа аккаунтлар нисбатан арзонроқ — тахминан 50—150 долларга сотиб олса бўлади.1 киши
Pokemon Go ўйини жараёнида бир киши ҳалок бўлди — Гватемаладаги шаҳарлардан бирида номаълум шахслар покемон излаб юрган ўсмирни отиб ташлади.10 кун
Google қидирувида «Pokemon Go» сўрови кетма-кет 10 кун давомида “porno” сўровини ортда қолдирди.30 000 000
iOS ва Android фойдаланувчилари шунча марта Pokemon Go’ни ўрнатиб олди.6 700 000 000
Nintendo компанияси Pokemon Go’га тўлиқ эгалик қилмаслиги, ундан кўп фойда ололмаслиги маълум бўлганидан сўнг, компаниянинг қиймати шунча қадрсизланди.10 километр
Pokemon Go ўйинчиси покемонли бир неча тухум «қўйиш» учун ўйинни ёқиб қўйиб, тахминан шунча йўл босиши керак.Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)