Туркия ҳукумати мухолифатчи газета собиқ ходимларининг 47 нафарини ҳибсга олишга санкция берди

Туркия ҳукумати Zaman мухолифатчи газетаси собиқ ходимларининг 47 нафарини ҳибсга олиш ҳақида қарор чиқарди. Бу ҳақда Anadolu агентлиги маълум қилди, дея хабар бермоқда «ТАСС».

Маълум қилинишича, қарор нашрнинг собиқ раҳбар ва ходимлари, жумладан, таҳририят мақолалари муаллифларига дахлдордир. Туркия ҳукуматининг фикрича, газета мамлакатда тўнтаришга уринишни ташкил этишда айбланаётган мухолифатчи Фатҳуллоҳ Гулен тарафдорларининг «жарчи»си бўлиб хизмат қилган.

25 июль, душанба куни Туркияда давлат тўнтаришига уринишда алоқадорликда гумон қилинган 42 нафар журналистни ҳибсга олиш ҳақида буйруқ берилган эди.

Эслатиб ўтамиз, Туркияда 16 июлга ўтар кечаси исёнчилар гуруҳи томонидан ҳарбий тўнтаришга уриниш амалга оширилган эди.

• Туркиядаги ҳарбий тўнтариш