Москва АҚШ Россия билан ҳарбий ҳамкорлик даражасини оширишига ишонч билдирмоқда. Бу ҳақда 26 июль, сешанба куни Россия ТИВ маълум қилди, дея хабар беради «Интерфакс».
«Биз америкалик шерикларимиз Россия—АҚШ ҳарбий ҳамкорлигини янада юқорироқ даражага кўтаришига ҳаракат қилишига умид қиламиз. Ҳозирда икки мамлакатнинг Сурия борасидаги қарашлари яқинлашаётганини кузатиш мумкин», — дея таъкидлади Россиянинг БМТ ва Женевада жойлашган бошқа халқаро ташкилотлардаги доимий вакили Алексей Бородавкин.
Вакилга кўра, муносабатлар янада мустаҳкамланиши учун америкаликлар мўътадил мухолифат жойлашган ҳудудларни кўрсатиши ва Россия ҳамда Сурия ҳарбий-ҳаво кучлари уларга зарба бермаслиги лозим. Бироқ ҳозирча бунга эришилгани йўқ.
Изоҳ (0)