Қозоғистон жанубидаги Жамбул вилоятининг Отар овулида жойлашган «Гвардейский» ҳарбий полигонида миномёт снаряди портлаб кетди. Воқеа Ангола ҳарбийлари жамоаси «Халқаро армия ўйинлари»га тайёргарлик кўраётганида содир бўлди. Бунинг оқибатида бир қанча анголалик ҳарбий жароҳат олди, деб маълум қилади «ТАСС».
Қозоғистон мудофаа вазирлигининг маълум қилишича, ҳарбий хизматчилардан бири оғир аҳволда, қолганлари эса енгил жароҳат олган. Яраланганларнинг бари Отар ҳарбий базасининг алоҳида тиббий отряди ҳузурига етказилган.
Дастлабки текширув натижаларига кўра, Ангола жамоаси 2Б11 миномётидан отишда хавфсизлик талабларини бузган. Жумладан, снаряд портлашига унинг икки марта ўқлангани сабаб бўлгани тахмин қилинмоқда.
Изоҳ (0)