Qozog‘iston janubidagi Jambul viloyatining Otar ovulida joylashgan “Gvardeyskiy” harbiy poligonida minomyot snaryadi portlab ketdi. Voqea Angola harbiylari jamoasi “Xalqaro armiya o‘yinlari”ga tayyorgarlik ko‘rayotganida sodir bo‘ldi. Buning oqibatida bir qancha angolalik harbiy jarohat oldi, deb ma’lum qiladi “TASS”.
Qozog‘iston mudofaa vazirligining ma’lum qilishicha, harbiy xizmatchilardan biri og‘ir ahvolda, qolganlari esa yengil jarohat olgan. Yaralanganlarning bari Otar harbiy bazasining alohida tibbiy otryadi huzuriga yetkazilgan.
Dastlabki tekshiruv natijalariga ko‘ra, Angola jamoasi 2B11 minomyotidan otishda xavfsizlik talablarini buzgan. Jumladan, snaryad portlashiga uning ikki marta o‘qlangani sabab bo‘lgani taxmin qilinmoqda.
Izoh (0)