Ўзбекистон миллий терма жамоаси ўртоқлик ўйинида Ироқ термасини мағлуб этди
«Бунёдкор» стадиони мезбонлик қилган Ўзбекистон ва Ироқ миллий терма жамоалари ўртасидаги беллашувда Самвел Бабаян бошчилигидаги ўзбекистонлик футболчилар 2:1 ҳисобида зафар қучди.
Учрашувнинг 7-дақиқасида Марат Бикмаев ҳисобни очган бўлса, 31-дақиқада Элдор Шомуродов ҳисобни 2:0 кўринишига олиб келди. Беллашув асосий вақти тугаган бир пайтда ироқликлар ҳисобни қисқартирди.
Биринчи голда ҳужумни Жамшид Искандаров бошлади, Элдор Шомуродов уни давом эттирди ва Марат Бикмаев гол урди. «Пахтакор», «Бунёдкор» ва «Локомотив» аъзолари бу голда иштирок этди.
Иккинчи голда эса Жамшид Искандаровнинг жарима зарбасидан узатган пасини Элдор Шомуродов голга айлантирди.
Бош мураббий Самвел Бабаян учрашувни «Пахтакор»нинг етти нафар футболчиси билан бошлади.
Халқаро ўртоқлик учрашуви 24 июль, якшанба
