Корея Республикаси президенти мамлакатда АҚШнинг THAAD ракетага қарши мудофаа тизимининг жойлаштирилишини қўллаб-қувватлади. Бу ҳақда у Сеулда Миллий хавфсизлик кенгашининг мажлисида маълум қилди, дея хабар бермоқда «ТАСС».
«Ҳукумат THAAD тизимини кенгайтириш ҳақида қарор қабул қилди, чунки бу мамлакат ва халқни Шимолий Корея томонидан бўлаётган таҳдиддан ҳимоя қилишнинг энг яхши йўли деган хулосага келди. Шунинг учун бунга қарши чиқаётганлар ўзининг яхшироқ режасини таклиф қилсин», — дея таъкидлади Пак Кин Хе.
Жанубий Корея мухолифатининг бир қисми ҳамда THAAD батареялари ва радари жойлаштирилиши тахмин қилинаётган Сонжу тумани аҳолиси бу қарорга қарши чиқмоқда. Улар Хитой ва Россия билан муносабатларнинг ёмонлашиши, шунингдек, радар нурланишининг яқин атрофда яшовчи аҳоли соғлиғига салбий таъсир қилишидан хавотир олмоқда.
Изоҳ (0)