Эрон ҳарбий-денгиз кучлари эскадраси Араб яримороли ва Африка ўртасидаги Боб ал-Мандиб бўғозида қароқчилар томонидан нефть танкери қўлга олинишига чек қўйди. Бу ҳақда 2 июль, шанба куни Fars News Agency маълум қилди, дея хабар беради «ТАСС».
Агентликка кўра, тахминан 115 кишидан иборат қуролланган гуруҳ 12 та тезюрар катерда Эрон танкерини қўлга киритишга уринган. Бироқ уларнинг ҳаракатлари мазкур ҳудудда бўлган ҳарбий-денгиз кучларининг 41-эскадраси туфайли чиппакка чиққан. Орадан уч соат ўтиб қароқчилар кемага яқинлашиб, яна бир бор уни эгаллашга уринган, бироқ бу ҳам эронлик ҳарбий денгизчилар аралашуви сабабли натижасиз якунланган. Танкер хавфсиз ҳудудга етказилди.
41-эскадра таркибига «Шаҳид Нагди» эсминеци ва «Лаван» десант кемаси киради. Ушбу тезкор гуруҳ июнь ойи бошидан бери қароқчилар ҳаракатланиши эҳтимоли юқори бўлган ҳудудларда кемалар хавфсизлигини таъминлаш учун навбатчилик қилмоқда.
Изоҳ (0)