Бангладеш пойтахти Даккадаги ИШИД ўз зиммасига олган ресторанга ҳужумда ҳалок бўлган 20 кишининг барчаси чет элликлар бўлган. Бу ҳақда мамлакат армияси вакили полковник Рашидулла Ҳасан маълум қилди, дея хабар беради «РБК».
Вакилга кўра, қурбонларнинг қайси давлат фуқаролари эканлиги ҳозирча аниқланмаган.
Эслатиб ўтамиз, 1 июль куни бир гуруҳ қуролли кишилар Дакканинг дипломатик даҳасидаги Holey Artisan Bakery ресторанига бостириб кириб, ўт очди ва ичкаридаги одамларни гаровга олди. Штурм чоғида икки нафар полиция зобити ҳалок бўлди, 30 га яқин одам жароҳатланди. Беш нафар жангари йўқ қилинди, бир нафари қўлга олинган, яна икки нафари қидирилмоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)