Россия президенти Владимир Путин ҳукуматга Туркияга нисбатан туристик чекловларни бекор қилишга кўрсатма берди. Бу ҳақда, Кремль матбуот хизматининг маълумотига асосланиб, «РБК» хабар қилмоқда.
Айтилишича, бундай қарор Туркия ва Россия президентларининг телефон суҳбати якунларига кўра қабул қилинган.
«Туризм масалаларидан бошласам дегандим. Маъмурий чекловларни бекор қилмоқдамиз. Эрдўғон фуқароларимиз хавфсизлигини таъминлаш учун қўлидан келган барча ишни қилишига ишонтирди», — деди Путин.
Россиянинг Су-24 самолёти Туркия қирувчиси томонидан уриб туширилиб, унинг учувчиси Сурия ҳудудидаги қуролли шахслар тарафидан ўлдирилганидан сўнг икки давлат ўртасидаги муносабатлар кескинлашиб кетди. Кўплаб чоралар қаторида Россия ўз фуқароларининг Туркияга туристик сафарлар уюштиришига чеклов ўрнатди.
Изоҳ (0)