Rossiya Turkiyaga turistik safar uyushtirishga o‘rnatilgan taqiqni bekor qiladi

Rossiya prezidenti Vladimir Putin hukumatga Turkiyaga nisbatan turistik cheklovlarni bekor qilishga ko‘rsatma berdi. Bu haqda, Kreml matbuot xizmatining ma’lumotiga asoslanib, “RBK” xabar qilmoqda.

Aytilishicha, bunday qaror Turkiya va Rossiya prezidentlarining telefon suhbati yakunlariga ko‘ra qabul qilingan.

“Turizm masalalaridan boshlasam degandim. Ma’muriy cheklovlarni bekor qilmoqdamiz. Erdo‘g‘on fuqarolarimiz xavfsizligini ta’minlash uchun qo‘lidan kelgan barcha ishni qilishiga ishontirdi”, — dedi Putin.

Rossiyaning Su-24 samolyoti Turkiya qiruvchisi tomonidan urib tushirilib, uning uchuvchisi Suriya hududidagi qurolli shaxslar tarafidan o‘ldirilganidan so‘ng ikki davlat o‘rtasidagi munosabatlar keskinlashib ketdi. Ko‘plab choralar qatorida Rossiya o‘z fuqarolarining Turkiyaga turistik safarlar uyushtirishiga cheklov o‘rnatdi.

Mavzuga oid:

• Brokerlar Turkiyaning Rossiya sanksiyalari oqibatidagi yo‘qotishlarini 12 mlrd dollarga baholadi