Бугун,

  • USD 10940.05
  • RUB 182.26
  • EUR 11121.65

Исландияда 25 июнь, шанба куни президентлик сайловлари бошланди. Унинг натижаларига кўра 1996 йилдан бери биринчи марта давлат раҳбари ўзгаради, дея хабар беради «ТАСС».

Фото: AP

Фото: AP

Охирги жамоат фикри сўровларига кўра, респондентларнинг 44,6 фоизи тарихчи Гудни Йоханнессон учун овоз беришга тайёр. Иккинчи ўринда бир ҳафта давомида тарафдорлари сонини 6 фоизга оширишга муваффақ бўлган тадбиркор Халла Тоумасдоттир (18,6%) қайд этилди. Мамлакатнинг собиқ бош вазири ва Morgunbladid газетаси муҳаррири Давид Оддссонни сўралганларнинг атиги 16 фоизи қўллаб-қувватлашга тайёр. Ёзувчи ва атроф-муҳит ҳимоячиси Андри Снайр Магнасон уни таъқиб этиб бормоқда (15,9%).

Қолган 5 нафар номзод респондентларнинг ҳатто 3% ҳам овозини тўплолмаган.

Эслатиб ўтамиз, 20 йил давомида орол-давлат раҳбари лавозимини эгаллаб келган Исландия президенти Олавур Рагнар Гримссон сайловларда олтинчи бор иштирок этишдан воз кечди. Бунга журналистлар унинг турмуш ўртоғи, Бухоро яҳудийларига мансуб Муссайеффлар (Мусаевлар) оиласи вакили Доррит Муссайефф офшор компаниялари билан боғлиқлигини аниқлагани сабаб бўлгани билдирилганди.

Изоҳ
Асосий янгиликлар