Россиядаги «Амур» давлат телерадиокомпанияси Сурияда хизмат ўтаган кичик сержант Михаил Широкопояс вафот этгани ҳақида маълум қилди. Бу ҳақда «РБК» хабар бермоқда.
Телеканал интервью олган марҳумнинг яқинларига кўра, Широкопояс 35-умумқўшин армиясида артиллериячи сифатида хизмат ўтаган. Унинг турмуш ўртоғининг таъкидлашича, эри 2016 йил апрелида Сурияга юборилган. Орадан бир ой ўтиб мина портлаши туфайли жароҳат олган. Сурияда операция қилинган ва даволаниш учун Москвага жўнатилган. Ҳарбий хизматчи Россияда ҳаётдан кўз юмган.
Маҳаллий «Амур.инфо» агентлигига кўра, Широкопояснинг дафн маросими 11 июнь, шанба куни бўлиб ўтган. Кичик сержантга ҳарбий эҳтиром кўрсатилган — маросимда ҳарбий оркестр ва фахрий қоравул иштирок этган, уч карра осмонга қарата ўқ узилган. Марҳумнинг қариндошларига ҳали тиббий экспертиза натижалари, шунингдек, Широкопоясга тақдим этилган давлат мукофоти берилмагани айтилмоқда.
Изоҳ (0)