Россия президенти Владимир Путин «ТХЛ юлдузлари» ва «ТХЛ термаси» жамоалари ўртасидаги Тунги хоккей лигаси турнирининг гала-матчи иккинчи даврасида муз майдонига тушди, деб ёзади «Интерфакс».
Давлат раҳбари «ТХЛ юлдузлари» жамоаси таркибида анъанавий равишда 11-рақам остида ўйнайди.
Иккинчи давранинг илк дақиқаларида Путин рақиб дарвозасига шайба киритди, шу тариқа, «ТХЛ юлдузлари»жамоаси ҳисобидаги урилган шайбалар сонини бештага етказди.
Жамоада президент билан биргаликда, мудофаа вазири Сергей Шойгу ҳамда Павел Буре, Виктор Шалимов, Вячеслав Фетисов, Алексей Катасонов каби россиялик хоккейчилар ўйнамоқда.
Эслатиб ўтамиз, ТХЛ Путин ташаббуси билан ўз фаолиятини бошлаган. Лига асосий ишидан бўш пайтларида, кўпинча кечки пайт (номланиши ҳам шундан келиб чиққан) ўйин учун вақт ажратадиган хоккей ишқибозларини бирлаштирган. Лиганинг биринчи гала-ўйини 2012 йил 7 май куни, Путиннинг Кремлдаги президентлик инаугурациясидан сўнг бўлиб ўтганди.
Изоҳ (0)