Роналду кетма-кет учинчи марта Forbes журнали версиясига кўра дунёнинг энг кўп маош олувчи футболчисига айланди

Мадриднинг «Реал» клуби ҳужумчиси Криштиану Роналду кетма-кет учинчи марта Forbes журнали версиясига кўра дунёнинг энг кўп маош олувчи футболчиси деб эътироф этилди. Бу ҳақда «ТАСС» хабар бермоқда.

Нашр маълумотларига кўра, португалияликнинг даромади 2015 йилда 82 миллион долларни ташкил қилган. Шунинг 53 миллиони — «Реал»даги маош ва турли бонуслар, 29 миллиони — ҳомийлик шартномалари ва рекламадан тушган даромаддир.

Рейтингдаги юқори ўнлик қуйидагича:

1. Криштиану Роналду (Португалия, «Реал») — 82 миллион доллар (53 млн — маош ва бонуслар + 29 млн — ҳомийлардан тушган даромад);
2. Лионель Месси (Аргентина, «Барселона») — 77 миллион доллар (51+26);
3. Златан Ибрагимович (Швеция, «ПСЖ») — 37 миллион доллар (30+7);
4. Неймар (Бразилия, «Барселона») — 36 миллион доллар (14+22);
5. Гарет Бэйл (Уэльс, «Реал») — 34 миллион доллар (24+10);
6. Уэйн Руни (Англия, «Манчестер Юнайтед») — 26 миллион доллар (20+6);
7. Серхио Агуэро (Аргентина, «Манчестер Сити») — 24 миллион доллар (17+7);
8. Луис Суарес (Уругвай, «Барселона») — 23 миллион доллар (18+5);
9. Эден Азар (Бельгия, «Челси») — 22 миллион доллар (18+4);
10. Сеск Фабрегас (Испания, «Челси») — 21 миллион доллар (16+5).