Россия спорт вазири Виталий Мутко тақиқланган препаратлар истеъмол қилгани фош этилган россиялик спортчилар учун узр сўради. Бу ҳақда «Интерфакс» хабар бермоқда.
Буюк Британиянинг The Sunday Times газетасида эълон қилинган мақоласида Мутко Россия спорт «тоза ва ҳалол» бўлишига интилаётганини таъкидлади. Шунингдек, допинг қўллаб, жамоатчиликни алдаган спортчилар учун «уятли» эканлигини билдирди.
Эслатиб ўтамиз, олдинроқ ўта оғир вазндаги россиялик боксчи Александр Поветкиннинг допинг текширувида мельдоний қолдиқлари аниқлангани ҳақида хабар берилганди.
Изоҳ (0)