АҚШ махсус топшириқли бўлинмаларининг ҳарбий қисмлари 2015 йил охирида Ливиядаги иккита базага жойлаштирилган. Бу ҳақда 12 май, пайшанба куни Американинг расмий вакилларига таяниб, Washington Post хабар берди, деб ёзади «Ведомости».
Газета ёзишича, Америка қўшинларини юборишдан мақсад маҳаллий қуролли кучларнинг ИШИД террорчилик гуруҳи нуқталарига ҳужумида ёрдам беришдан иборат.
Америка махсус топшириқли бўлинмаларининг умумий сони 25 кишидан ортиқ бўлмаган иккита гуруҳи Мисурата ва Бенгази шаҳарлари ҳудудида фаолият олиб боради. Улар маҳаллий қуролли гуруҳлар орасидан потенциал иттифоқдошларни қидиради, шунингдек, эҳтимолий хавфларни текшириб, разведка фаолиятини олиб боради.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)