Австрия социал-демократик партияси раислиги ва мамлакат канцлерлигига икки номзоддан бири Герхард Цайлер лавозим учун курашдан воз кечди. Бу ҳақда «ТАСС» хабар бермоқда.
Шу тариқа, иккинчи номзод — «Австрия темир йўллари» (OEBB) раҳбари Кристиан Керн социал-демократларнинг янги раиси этиб тайинланиш учун барча имкониятга эга. У, шунингдек, 8 йиллик бошқарувдан сўнг 9 май куни истеъфо берган Вернер Файман ўрнига ўз-ўзидан канцлер курсисини эгаллайди.
Экспертлар тахминича, Керннинг тайинланиши ҳақидаги қарор ҳафта охирида эълон қилинади, 17 майда эса расмий тасдиқлаш тадбири якунига етади. Эртасига эса социал-демократларнинг янги етакчиси президент Хайнц Фишер томонидан Австрия канцлери этиб тайинланиши мумкин.
Изоҳ (0)