Эронда нефть қазиб олиш апрелда санкцияларгача бўлган даражага етди. Бу ҳақда Жаҳон энергетика агентлиги томонидан тайёрланган ойлик бозор шарҳида маълум қилинган, дея хабар беради «РБК».
Агентликка кўра, мамлакатда ўтган ойда нефть қазиб олиш суткасига 3,56 миллион баррелга етган. Охирги бор бундай кўрсаткич Эронда 2011 йил ноябрида, Евроиттифоқ томонидан нефть эмбаргоси жорий этилишидан икки ой аввал қайд этилганди. Нефть экспорти ҳам санкциялардан олдинги даражага чиқиб, суткасига 2 миллион баррелни ташкил этган.
Апрелда Эрон нефтининг йирик харидорлари қаторидан Хитой (суткасига 800 минг баррель) ва Европа (суткасига 500 минг баррель) ўрин олган.
Изоҳ (0)