Chevrolet компанияси Proactive Alerts сервисини ишга туширди, у автомобиль ҳолатини таҳлил қилиб, ҳайдовчига келажакда кузатилиши мумкин бўлган эҳтимолий носозликлар ҳақида хабар беради. Шунга ўхшаш технология, General Motors’дагилар таъкидлашича, Boeing 787 самолётида қўлланилади, Америка автомобиль ишлаб чиқарувчиси эса рақобатчилар орасида уни ишга туширган биринчи компания бўлди, деб ёзади Motor.
Тизим OnStar сунъий йўлдош сервиси ёрдамида ишлайди, у General Motors’га тегишли бўлиб, марканинг кўпчилик замонавий моделларига ўрнатилган.
Ҳайдовчи ҳар сафар машинани юргизган вақтида тизим стартер, ёқилғи насоси ва аккумулятор ишини таҳлил қилади. Маълумотлар OnStar бўйича ахборот базасидан текшириб кўрилади ва агар тизим нормал ишлаш бўйича кўрсаткичлар мос тушмаганлигини аниқласа, ҳайдовчига билдиришнома жўнатилади.
Маълумотлар базаси бошқа автомобиллардан тўпланган кўрсаткичлар асосида шаклланади. Хабарнома ҳайдовчига мультимедиа тизими экрани, SMS ёки электрон почта орқали юборилади.
Proactive Alerts сервиси 2016 йилда чиқарилган Chevy Silverado пикапи, Tahoe Suburban йўлтанламаси, Corvette спорткари ва Equinox кроссоверида бор. Кейинчалик у бошқа моделларда ҳам пайдо бўлади.
Изоҳ (0)