Facebook’даги «Водители Ташкента» ва «Водители Ташкента (Drivers.uz)» гуруҳларида сўнгги бир неча кундан бери автомобилдан оёғини чиқариб олган ҳайдовчи ва йўловчиларнинг суратлари пайдо бўлмоқда. Улар нима учун бундай қилаётгани номаълум.
Хусусан, «Водители Ташкента (Drivers.uz)» гуруҳи аъзоси Hyundai микроавтобуси ҳайдовчиси гипсланган чап оёғини ойнадан чиқариб олгани тасвирланган фотосуратни эълон қилган; гипснинг учига эса Ўзбекистон байроғи қадалганини кўриш мумкин. Фойдаланувчилар Hyundai ҳайдовчисининг бу ҳаракатини кескин қоралаган.
Кейинроқ «Водители Ташкента» гуруҳида Matiz’нинг ойнасидан оёғини осилтириб олган йўловчи суратлари пайдо бўлди. Бу ҳолатни ҳам фойдаланувчилар қоралаган, баъзилар буни мақтанчоқликка йўйган.
Маълумот учун, Йўл ҳаракати қоидаларининг 11-бандига мувофиқ, транспорт воситаси ҳайдовчиси йўловчиларни ҳаракат вақтида қўлдан бошқа тана қисмларини салондан чиқариш тақиқлангани ҳақида огоҳлантириши керак. Қоидаларнинг 24-бандига кўра, йўловчиларнинг транспорт воситаси ҳаракатланаётган вақтда салондан тана қисмларини (қўлдан ташқари) чиқариши тақиқланади.
Изоҳ (0)