Австралия полициячилари адашув туфайли қўлга киритилган 4,6 миллион долларни қайтаришдан бош тортгандан сўнг мамлакатни тарк этишга ҳаракат қилган сиднейлик аёлни қўлга олди. Бу ҳақда «Интерфакс» хабар бермоқда.
2012 йилда Янги Жанубий Уэльс штати пойтахти Сидней яқинида яшовчи 21 ёшли аёлнинг ҳисоб рақамига адашиб, йирик миқдордаги маблағ — 4,6 миллион доллар ўтказилганди. Шундан бери орадан тўрт йил ўтди, бироқ аёл пулларни қайтармади. 4 май, чоршанбага ўтар кечаси Сидней халқаро аэропортида мамлакат федерал полицияси Малайзияга учиб кетмоқчи бўлган аёлни ҳибсга олди.
2016 йил мартида полиция ўтказилган текширувлардан сўнг уни қамоққа олишга ордер берди. Аёл алдов йўли билан ноқонуний бойиш ва пул олишни яширганликда айбланмоқда. Уни гаров эвазига қўйиб юбориш рад этилди, аёлнинг келгуси тақдири 5 май, пайшанба куни маҳаллий судда ҳал этилади.
Изоҳ (0)