АҚШ расмийлари фуқаролик авиацияси самолётининг оқ бошли сувбургути билан тўқнашуви оқибатида мамлакат тарихида илк бор одамлар ҳалок бўлганини қайд этди. Бу ҳақда «ТАСС» хабар бермоқда.
Cessna 172 самолёти 20 апрель куни Алясканинг Анкориж шаҳридан шимолда қулаган, унинг бортидаги 4 киши ҳалок бўлганди. Экспертлар авиаҳалокат жойида қуш патларини топди ва воқеа сабабини аниқлади. Ушбу иш билан шуғулланган терговчининг билдиришича, самолётнинг оқ бошли сувбургути билан тўқнашуви туфайли одамларнинг нобуд бўлиши мамлакатда биринчи маротаба қайд этилмоқда.
Маълумот учун, оқ бошли сувбургути АҚШ миллий рамзларидан бири ҳисобланади.