Франция расмийлари сўровларига кўра Бельгиядан экстрадиция қилинган Салоҳ Абдисломга расман терроризмда айблов эълон қилди. Бу ҳақда унинг адвокати Франк Бертон маълум қилди, деб хабар беради «ТАСС».
Париждаги терактларни ташкиллаштиришда иштирок этганликда айбланган Абдислом Франция ҳудудига келтирилганидан сўнг пойтахтдан 30 километр жанубда жойлашган Флери-Мерожис қамоқхонасининг бир кишилик камерасига жойлаштирилди.
Мамлакат адлия вазири Жан-Жак Юрвоаснинг билдиришича, уни ҳибсда сақлаб туриш учун фавқулодда хавфсизлик чоралари кўрилади. Жумладан, хавфли жиноятчилар билан ишлаш бўйича махсус тайёргарликдан ўтган алоҳида қўриқлаш гуруҳига Абдисломни назорат этиш топширилади.
Изоҳ (0)