Американинг Висконсин штати Милуоки шаҳрида икки ёшли болакай тасодифан онасини ўзи топиб олган тўппончадан отиб қўйди, дея хабар бермоқда «ТАСС» ҳуқуқ-тартибот органлари вакилларига таяниб.
Фожиа 26 ёшли Патрис Прайс шаҳардаги шосселардан бирида автомобиль бошқариб кетаётганида содир бўлган. Орқа ўриндиқда ўтирган бола машинадан ўқланган тўппончани топиб олди, сўнг ўзи билмаган ҳолда тепкини босди. Ўқ Прайс ўтирган ҳайдовчи ўриндиғини тешиб ўтиб, унга ҳалокатли жароҳат етказди. У воқеа жойидаёқ вафот этди. Автомобилда бўлган Прайснинг онаси ва унинг яна бир ўғлига шикаст етмади.
Терговчилар аниқлашича, аёл қўриқчи бўлиб ишлайдиган йигитининг автомобилини ҳайдаб кетаётган бўлган. Бола машинадан топиб олган қурол, дастлабки маълумотларга кўра, айнан унга тегишли бўлган.
Изоҳ (0)