Икки нафар суриялик Туркия бош вазири Аҳмет Давутўғлига Кўния шаҳрида суиқасд уюштиришга тайёргарликда айбланиб, ҳибсга олинди. Бу ҳақда «ТАСС» хабар бермоқда.
Туркия ОАВлари маълумотларига кўра, мамлакат махсус хизматлари бош вазир ва бошқа юқори мартабали амалдорларга уларнинг Кўнияга ташрифи чоғида суиқасд уюштиришни режалаштирган экстремистик ташкилотни фош қилган. ИШИД билан алоқадорликда гумон қилинаётган ҳибсга олинганлар 22 апрель куни бўлиб ўтган Давутўғли иштирокидаги тадбирларда ўзларини портлатмоқчи бўлган.
Полиция рейди давомида жами 11 киши, жумладан, олти нафар Сурия фуқароси қўлга олинган. Кейинчалик уларнинг тўққиз нафаридан мамлакатни тарк этмаслик ҳақида тилхат олиниб, қўйиб юборилган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)