Туркия кичик, ўрта ва узоқ масофалар учун ракетага қарши мудофаа (РҚМ) тизимлари яратиш устида иш олиб бормоқда. Бу ҳақда мамлакат мудофаа саноати департаменти бошлиғининг ўринбосари Исмоил Демир маълум қилган, дея хабар беради «Газета.ru».
Демирнинг эслатишича, Туркия маҳаллий лойиҳани тайёрлашга қарор қилингани сабабли ўтган йили 3,4 миллиард долларга тенг РҚМ тизимлари учун компонентлар ишлаб чиқариш тендерини бекор қилди.
«Биз ҳеч қандай тўғридан-тўғри харидлар қилмаймиз, шу билан бирга, биз томонимиздан ишлаб чиқилаётган РҚМ НАТО тизимига интеграциялашган бўлади. Альянс билан ҳамкорликдаги фаолият мазкур жараённи тезлаштиради, деб умид қиламиз», — дея таъкидлаган мансабдор.
Шунингдек, Демир қурол-яроғ ишлаб чиқаришни ривожлантириш заруратига тўхталиб, яқин етти йил мобайнида Туркия мудофаа экспорти 1,67 дан 25 миллиард долларгача кўпайиши режалаштирилганини билдирди.
Изоҳ (0)