Turkiya kichik, o‘rta va uzoq masofalar uchun raketaga qarshi mudofaa (RQM) tizimlari yaratish ustida ish olib bormoqda. Bu haqda mamlakat mudofaa sanoati departamenti boshlig‘ining o‘rinbosari Ismoil Demir ma’lum qilgan, deya xabar beradi “Gazeta.ru”.
Demirning eslatishicha, Turkiya mahalliy loyihani tayyorlashga qaror qilingani sababli o‘tgan yili 3,4 milliard dollarga teng RQM tizimlari uchun komponentlar ishlab chiqarish tenderini bekor qildi.
“Biz hech qanday to‘g‘ridan-to‘g‘ri xaridlar qilmaymiz, shu bilan birga, biz tomonimizdan ishlab chiqilayotgan RQM NATO tizimiga integratsiyalashgan bo‘ladi. Alyans bilan hamkorlikdagi faoliyat mazkur jarayonni tezlashtiradi, deb umid qilamiz”, — deya ta’kidlagan mansabdor.
Shuningdek, Demir qurol-yarog‘ ishlab chiqarishni rivojlantirish zaruratiga to‘xtalib, yaqin yetti yil mobaynida Turkiya mudofaa eksporti 1,67 dan 25 milliard dollargacha ko‘payishi rejalashtirilganini bildirdi.
Izoh (0)