Футбол бўйича Англия Кубоги финалида «Манчестер Юнайтед» ва «Кристал Пэлас» клублари кураш олиб боради.
24 апрель куни бўлиб ўтган иккинчи ярим финал ўйинида Алан Пардью бошчилик қилаётган «Кристал Пэлас» Янник Боласье ва Коннор Уикҳэм томонидан урилган голлар эвазига муваффақият қозонди.
«Кристал Пэлас» ярим финалга қадар «Ридинг», «Тоттенҳэм», «Сток Сити», «Саутҳемптон» каби клубларни мағлуб этишга муваффақ бўлганди.
«Манчестер Юнайтед» эса ўз тарихида 19-бор Англия Кубогининг финалида тўп суради. Бунга қадар «Арсенал» ҳал қилувчи ўйинда 19 бор иштирок этиб, етакчи бўлиб турганди. «Арсенал» мана шу финалларнинг 12 тасида муваффақият қозонган. «Манчестер Юнайтед» ҳозирча 11 марта Англия Кубоги соҳибига айланган.Англия Кубоги Ярим финал беллашуви 24 апрель, шанба
Изоҳ (0)