«Насаф» футбол клубига қарши Осиё Чемпионлар Лигаси гуруҳ босқичи 5-тур учрашувидан сўнг ўз фикрлари билан ўртоқлашган «Ал-Айн» жамоаси етакчи ярим ҳимоячиси Умар Абдулраҳмон ўзбекистонлик футболчиларнинг тезкор голидан довдираб қолмаганини маълум қилди. Бу ҳақда «Championat.asia» интернет-нашри хабар бермоқда.
Эслатиб ўтамиз, «Насаф» — «Ал-Айн» учрашуви 1:1 ҳисобидаги дуранг натижа билан якунига етди. «Насаф» ҳимоячиси Мақсуд Каримов урган гол ОЧЛнинг 2016 йилги мавсумидаги энг тезкор иккинчи гол бўлди. Умар Абдулрамон мазкур учрашувнинг энг яхши футболчиси деб топилди.
«Қаршига уч очкони қўлга киритиш мақсадида келгандик, айнан ғалаба бизни кейинги босқичга чиқиш масаламизни ҳал қиларди. Афсуски тезкор гол режаларимизни бузиб юборди. Тезкор гол ўтказиб юборган бўлса-да, ‘Ал-Айн’ ўйинни тезда ўз қўлига олди», — деди амирлик футболчи.
«Д» гуруҳида сўнгги — 6-тур учрашувлари 3 май куни бўлиб ўтади. Шу куни «Насаф» БААда «Ал-Айн» меҳмони бўлади. «Насаф» ҳисобида ҳозирча 5, «Ал-Айн» ҳисобида 7 очко бор. Гуруҳда Қатарнинг «Ал-Жаиш» 10 очко билан пешқадамлик қилмоқда, сўнгги ўриндаги «Ал-Аҳли» (Саудия Арабистони) ҳисобида 3 очко бор.
Изоҳ (0)