Озарбайжон президенти Илҳом Алиев ва БМТ бош котиби Пан Ги Мун 23 апрель, шанба куни телефон суҳбати чоғида Қорабоғ можаросини тартибга солишни муҳокама қилди, дея хабар бермоқда «Интерфакс» Озарбайжон давлати раҳбари матбуот хизматига таяниб.
Пан Ги Мун Илҳом Алиевга қўнғироқ қилиб, Бокуда бўлиб ўтадиган Цивилизация альянси 7-глобал форумида шахсан иштирок эта олмаслиги учун узр сўради.
Алиев, ўз навбатида, БМТ бош котибига қўнғироқ учун миннатдорлик билдирди ва Озарбайжоннинг ташкилот билан ҳамкорлиги муваффақият билан ривожланиб бораётганини қайд этди.
Телефон суҳбати чоғида, шунингдек, томонлар Тоғли Қорабоғ можаросини тартибга солиш бўйича жорий вазиятни ҳам муҳокама қилди.
Изоҳ (0)