Сурияда ИШИДга қарши АҚШ раҳбарлигидаги халқаро коалиция фаолияти бошланганидан буён ўтган 19 ой ичида 4,7 мингдан ортиқ киши, асосан жангарилар ҳалок бўлди. Бу ҳақда Суриянинг Инсон ҳуқуқлари бўйича назорат марказига таяниб, «Интерфакс» хабар бермоқда.
Шу билан бирга, марказ маълумотларига кўра, ҳалок бўлганларнинг тахминан 400 га яқини тинч аҳоли вакиллари бўлиб, уларнинг камида 100 нафари вояга етмаганлардир.
Марҳумларнинг асосий қисми Суриянинг Хасеке, Ракка, Алеппо, Идлиб ва Дайр аз-Зор провинцияларида қайд этилган.
Ўлдирилган жангариларга келсак, марказ маълумотларига кўра, 4,1 минг нафар марҳум радикалларнинг кўпчилиги чет эл фуқароларидир.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)