18 апрель, душанба куни Қуддусдаги автобус портлашини Иордан дарёсининг ғарбий қирғоғида, Вифлеем шаҳри яқинида яшаган 19 ёшли фаластинлик содир этган. Бу ҳақда Исроил полицияси расмий вакили Микки Розенфельд маълум қилди, дея хабар беради «ТАСС».
«Терактни Вифлеем атрофидан бўлган ҲАМАСнинг 19 ёшли террорчиси амалга оширган. У терактни амалга ошириш чоғида олинган жароҳатлар туфайли 20 апрель, чоршанба куни касалхонада оламдан ўтган», — дея таъкидлаган Розенфельд. Фаластиннинг ҲАМАС ҳаракати ўша куннинг ўзида Қуддусда автобус портлаши учун жавобгарликни зиммасига олди.
Эслатиб ўтамиз, олдинроқ мазкур теракт оқибатида 21 киши жабрлангани хабар қилинганди.
Изоҳ (0)