Қирғизистон раҳбари мамлакат пойтахтида мактаб ўқитувчиси томонидан ташкил қилинган «Тупурманг!» акциясига молиявий ёрдам кўрсатиш учун ижтимоий ҳимоя ва кўмак бўйича президент жамғармасидан маблағ ажратди, деб ёзади «РИА Новости» мамлакат президенти матбуот хизматига таяниб.
Апрель бошида мактаб ўқитувчиси Куштар Мамиталиев ўз маблағлари ҳисобидан Бишкекнинг жамоат жойларига «Тупурманг!» ёзуви туширилган бир неча мингта стикерни ёпиштириб чиқди. У, шунингдек, акцияни қўллаб-қувватлашга чақирувчи видеороликни ижтимоий тармоқларга жойлади, уни охир-оқибат ўнг минглаб киши репост қилди.
Алмазбек Атамбаев акцияни қўллаб-қувватлаш учун президент фондидан 50 минг сом (тахминан 730 доллар) ажратди. Президент фикрича, «бундай фуқаролик ташаббуслари қирғизистонликларнинг ўз-ўзини англашидаги янги сифатли ўсишни кўрсатиб беради».
Изоҳ (0)