Чеченистон раҳбари Рамзан Қодиров мамлакатда оммавий заҳарланиш юз бергани ҳақидаги хабарларни рад этди ва уларни «қип-қизил ёлғон» деб атади, деб ёзади «РБК» Қодировнинг «ВKонтакте»даги саҳифасига таяниб.
Қодировнинг таъкидлашича, на якка тарзда, на оммавий тарзда заҳарланиш бўйича ҳолатлар қайд этилган. Унинг сўзларига кўра, республикада унинг буйруғи билан барча даволаш муассасалари текширилган.
Чеченистон раҳбари қўшимча қилишича, бундай миш-мишлар халқ орасида саросима уйғотиш учун тарқатилмоқда. У тегишли органларга провокация ташкилотчиларини топиб, уларни жавобгарликка тортиш таклифини берган.
Аввалроқ ижтимоий тармоқларда Чеченистоннинг Гудермес тумани аҳолиси ёппасига ич терлама билан касаллангани ҳақидаги хабарлар тарқалган эди.
Изоҳ (0)