Бугун, 18 апрель куни Россиянинг Бурятия республикасида жойлашган «Жергинский» қўриқхонасида қор кўчкисига йўлиққан олти туристнинг икки нафари ҳалок бўлди. Бу ҳақда, РФ тергов қўмитаси маълумотларига асосланиб, «ТАСС» хабар бермоқда.
Айтилишича, туристлар Иркутскдан ташриф буюриб, 12 апрель куни Усть-Баргузин қишлоғида рўйхатдан ўтган ва Усть-Баргузин–Скальник–Каменная крепость йўналиши бўйича сафарга чиққан. 18 апрель куни гуруҳ аъзолари фавқулодда хизматлар билан алоқага чиқиб, Баргузин дарёси юқори оқимида жойлашган Икат тизмасидан қор кўчганини хабар қилган. Сайёҳларнинг тўрт нафари мустақил равишда қор қатлами остидан чиқа олган. Қидирув асносида улар икки ҳамроҳининг жасадини топган.
Воқеа юзасидан текширувлар бошлаб юборилган. Айни пайтда қидирув-қутқарув отряди ходимлари гуруҳи воқеа жойига боришга ҳозирлик кўрмоқда.
Изоҳ (0)