1996—2004 йилларда Испания бош вазири ўринбосари, 2004—2007 йилларда Халқаро валюта жамғармаси (ХВЖ) ижрочи директори бўлиб ишлаган Родриго Рато «Панама архиви» ҳужжатларида қайд этилган. Бу ҳақда «Ведомости» хабар бермоқда.
El Confidencial нашрининг маълум қилишича, Ратога тегишли компания бошқарган корхона 2013 йили Mossack Fonseca фирмасига ХВЖнинг собиқ раҳбари даромадларини яшириш учун 20 йил давомида ишлатиб келган Westcastle Corporation ва Red Rose Financial Enterprises корхоналарини ёпиш масаласида мурожаат этган.
Родриго Рато бир йил аввал солиқ тўлашдан қочиш, маблағдан шубҳали фойдаланиш ва мулкни ноқонуний ўзлаштиришда гумон қилиниб, қўлга олинган, бироқ уйи ва офисидаги тинтувлардан сўнг қўйиб юборилганди. 2015 йил октябрида суд Ратони озодликда қолдирди, бироқ паспортини олиб қўйиб, ойда бир марта судга келиш мажбуриятини юклади. Рато офшорларда яширилган маблағлар келиб турган «қора карта»лардан фойдаланишда гумон қилинмоқда. «Панама архиви» бўйича фош бўлган янги маълумотлар ҳам суд ихтиёрига келиб тушган.
Изоҳ (0)