Беларуснинг «Белкоммунмаш» корхонаси 2016 йилда электробуснинг иккита тажриба намунасини тайёрлайди. Бу ҳақда «ТАСС» хабар бермоқда.
«Яшил транспорт»ни яратишга йирик шаҳарлар йўлларидаги доимий тиқилинч, ҳавонинг газ билан ифлосланишига боғлиқ экологик вазият сабаб бўлди. Троллейбусдан фарқли равишда, янги транспорт йўлидаги тўсиқни айланиб ўта олади. Одатий контактли симлар ўрнига бекатлардаги махсус қурилмадан узоғи билан етти дақиқада қувват олиши мумкин.
Электробуслар декабрда Минск кўчаларида синовдан ўтказилади. 2017 йил бошида пойтахт учун яна 18 та шундай машина тайёрланади.
Изоҳ (0)