Ўзбекистонлик теннисчи Сабина Шарипова Хитойнинг Шэньчжэнь шаҳрида старт олган, мукофот жамғармаси 50 минг АҚШ долларига тенг ITF туркумидаги теннис турнирини ғалаба билан бошлади.
Халқаро теннис федерацияси расмий сайтининг маълум қилишича, 21 ёшли ўзбекистонлик теннисчи илк даврада хитойлик Лин Чжуга қарши кортга чиқди ва 6:3, 6:4 ҳисобида ғалаба қозонди.
Таққослаш учун, Сабина Шарипова WTA рейтингида 210, 22 ёшли хитойлик теннисчи эса 166-поғонани эгаллаб келмоқда. Мусобақанинг иккинчи даврасида Ўзбекистон вакили бошқа бир хитойлик теннисчи Жинг-Жинг Луга қарши баҳс олиб боради.
Эслатиб ўтамиз, Сабина Шарипова ўтган ҳафта Япониянинг Кашива шаҳрида бўлиб ўтган, соврин жамғармаси 25 минг доллардан иборат Kashiwa Open теннис турнирининг чорак финалига қадар етиб борганди. Қизиғи, Кашивадаги турнирнинг биринчи даврасида ҳам Сабина Лин Чжудан устун келганди.
Изоҳ (0)