Италиянинг «Милан» клуби бош мураббийи Синиша Михайлович ўз вазифасидан озод этилди. Бу ҳақда клуб расмий сайтида маълум қилинди, деб хабар беради «Uff.uz».
Михайлович жорий мавсум олдидан «Милан»ни қабул қилиб олганди. А Сериянинг 32-туридан кейин клуб 6-ўринни эгаллаб турибди. Бундан ташқари, «россонерилар» Италия Кубоги финалида ўйнайди.
Сербиялик мутахассис ўрнига клубнинг собиқ футболчиси Кристиан Брокки вақтинча бош мураббий этиб тайинланди. Брокки жамоани мавсум охиригача бошқариб туради.
Брокки сўнгги уч йилдаги «Милан»нинг бешинчи мураббийига айланди.
Изоҳ (0)