Худкуш террочилар Ироқ пойтахти ва мамлакат жанубида уюштирган уч ҳужум оқибатида камида 14 киши қурбон бўлди, 40 га яқин киши жароҳатланди. Бу ҳақда «РИА Новости» хабар бермоқда.
Худкуш камаридан фойдаланган ҳолда амалга оширилган икки ҳужум Бағдод шимолида рўй берди. Шиа кўнгилли жангчиларига ҳужум оқибатида беш киши, яна беш киши армия ва полиция блокпостидаги портлашда нобуд бўлди. Мамлакат жанубидаги Носирия шаҳрида маҳаллий қаҳвахонага уюштирилган ҳужум туфайли камида 4 киши ҳалок бўлди, 20 киши яраланди.
Ҳозирча ҳеч бир гуруҳ мазкур терактлар учун жавобгарликни ўз зиммасига олмаган.
Изоҳ (0)