Россия ва АҚШ Сурия президенти Башар Асаднинг келгуси тақдири ҳақида келишиб олмаган. Бу ҳақда Россия президентининг матбуот котиби Дмитрий Песков маълум қилди, дея хабар беради «ТАСС».
«‘Ал-Ҳаёт’ газетаси ҳақиқатга тўғри келмайдиган маълумотни чоп этган. Бошқа давлатлардан фарқли равишда, Россия на дипломатик, на бошқа йўналишлар орқали учинчи мамлакатлар, жумладан, Сурия тақдири билан боғлиқ масалаларни муҳокама этмайди», — дея таъкидлаган Песков.
Газета БМТ Хавфсизлик кенгашидаги манбага таяниб, АҚШ Давлат котиби Жон Керри бир неча араб мамлакатлари етакчиларига Россия билан президент Башар Асад лавозимини тарк этиши ва бошқа давлатга кўчиб ўтиши хусусида келишиб олинганини маълум қилганини билдирганди.
Эслатиб ўтамиз, олдинроқ Сурия президенти Башар Асад мамлакатда муддатидан аввал президентлик сайловларини ўтказишга тайёр эканлиги ҳақида хабар берилганди.
Изоҳ (0)