2002 йилги адабиёт бўйича Нобель мукофоти лауреати, венгриялик яҳудий миллатига мансуб ёзувчи Имре Кертес узоқ давом этган хасталикдан кейин 86 ёшида вафот этди. Бу ҳақда «ТАСС» хабар бермоқда.
1944—1945 йилларда Освенцим ва Бухенвальд тутқуни бўлган Кертес 1975 йили концлагерга тушиб қолган яҳудий болакай тилидан ёзилган «Тақдирдан холи» романини чоп эттирди. 1988 йилда ушбу мавзу давом эттирилган иккинчи роман — «Фиаско» эълон қилинди. Орадан икки йил ўтиб трилогиянинг учинчи қисми — «Туғилмаган чақалоқ учун дуо» ҳам ўқувчилар қўлига етиб борди.
Кертес адиб сифатида шундан кейин хорижда танилди, асарлари инглиз тилига ўгирилди. У узоқ муддат немис тилидан таржималар билан кун кечирганди.
Изоҳ (0)