18 май куни Женевадаги Christie’s аукционида қачондир савдога қўйилганлари орасида энг йириги бўлган кўк бриллиант сотилиши мўлжалланган. Дастлабки ҳисоб-китобларга кўра, лот қиймати 38 дан 45 миллион долларгача бўлиши мумкин, дея хабар беради «РБК».
«Оппенгеймер кўки» деб ном олган 14,62 қирот (карат)ли тош унинг аввалги эгаси, 80 йил давомида олмос қазиб олувчи De Beers концернини бошқарган оила вакили бўлган Филип Оппенгеймер шарафига аталган.
Bloomberg агентлигининг билдиришича, савдолар чоғида аукциондан сотилган бриллиантлар учун максимал нарх янгиланиши ҳам мумкин. Ҳозирги рекорд Женевадаги Sotheby’s аукционида ўтган йил ноябрида ўрнатилган бўлиб, ўшанда 12,03 қиротли «Мовий ой» бриллианти 48,4 миллион долларга сотилганди.
Изоҳ (0)